Әйе, паспорттагы фамилияне үзгәртү генә мәсьәләләрне чишми. Н. Гарифнең язганнары шуны күрсәтә: “Фәүзия апай мин инде сезне тимердән эшләнгәндер дип уйлый идем”. - Нинди наный беркатлылыгы бу? Тарихчы, язучы кеше ничек шулай уйларга мөмкин? “...уйлый идем” – монысы инде алга китеш, иллюзияләрдән котыла башлаган димәк. Нурулла Гариф, үзенең катгый ир-ат сүзен әйтәсе урынга, йомшаклык күрсәтеп боргалана башлый. “яшьләргә менә шундый мөмкинчелек барлыгын гына җиткердем”, дип акланырга маташа ул. Моңа бер дә гәҗәпләнерлек түгел, чөнки Н. Гарифне бар нәрсәдән күбрәк башкаларның аның турында начар фикердә калмаулары борчый.

Ә менә Фәүзия Бәйрәмгалигә язган: “юк барга игътибар итмәсәгез иде” дигән киңәше бик эшкә ярашлы түгел кебек. Ничек инде игътибар итмәскә? Берәүләр “уңайсыз” сораулар биреп, “вак” мәсьәләләрне күтәрә башласыннар әле! Н. Гариф тарафыннан “милли хәрәкәтнең бердәнбер лидеры”, “маягы” дип аталган шәхес, иллюзиялар дөнясында яшәүче Нурулла әфәндедән аермалы буларак, үзенең эшчәнлеге турында да, борчылырлык хәл булып булмаганын да яхшырак белә бит. Германия Президентыннан да юк кына сорау сораган булганнар, ә нәтиҗә шул – Президент К. Вульф отставкага китәргә мәҗбүр булды. Бу “вак” мәсьәләләрнең дә нәрсәләрне көн яктылыгына чыгарачыгын кем әйтә ала? Кайберәүләр шуңа хәвефләнә башлады да.

Фамилия мәсьәләсе бүген генә чыккан яңа мәсьәлә түгел. Үз вакытында “милләт бабасы” Мирза Исмәгыйль Гаспралы, яшәгән чорының модасына ияреп, “Гаспринский” фамилиясен кулланган, ә бүгенге көндә аны Гаспралы фамилиясе белән таныйлар. Мирза дигәндә, Вил Мирзаяновны да Вил Мирза дип атаучылар бар. Ләкин ул фамилиясен үзгәртергә теләмәде кебек. Аның да үзенә күрә сәбәбе бардыр, бәлки дә “Мирзаян” фамилиясенең Әрмән фамилиясенә охшар дип тартынадыр.

Мондый реакция бар икән бу рәсемгә, димәк халык үз хатасын таныды. Бигрәк тә Ф.Бәйрәмова, ләкин тәкәбберлек аңа ул хатасы белән ризалашырга бирми. «Татарларга карата күңеле йомшак» Ф.Бәйрәмова шундый ук Татар кешесенә нахак сүз әйтә икән – бу инде икейөзлелек билгесе. Белмәгәннәр өчен: икейөзлелек һәм нахак - Исламда ике бик зур гөнаһ! Ф.Бәйрәмова моның турында оныткан ахрысы.
Яхшы эшне халык үзе дә күрә, аның турында кычкырып йөрмәсәң дә. Чын лидер башкалардан ярдәм сорап утырмый, ул халыкны акылы һәм эше белән артыннан ияртеп бара, ә куркытып түгел. Н.Гариф, тарихчы буларак, шуны да белергә тиеш иде. Ә мондый “маякка” юнәлсәң, бөтенләй башка милләткә барып чыгуың мөмкин. Н.Гариф – ул әле бөтен Татар халкы түгел, аның үз фикере бар, һәм ул фикер Н.Гарифнең фикереннән күпкә аерылып тора. Ф.Бәйрәмова бик хыялланмасын иде.